lunes, 14 de mayo de 2018

GRAZAS FAMILIAS!

Moitas grazas aos pais e nais que vos achegastes este luns pola tarde ao Floriani para participar na Charla de orientación académica. Foi un pracer atender ás vosas dúbidas e inquedanzas.


Grazas ao equipo directivo polo voso apoio!

sábado, 12 de mayo de 2018

GRAOS UNIVERSITARIOS ACTUALIZADOS

A CIUG ven de publicar a lista de prazas ofertadas nos distintos graos universitarios das Universidades galegas para a admisión no curso 2018/2019.

Nesta relación podemos ver a inclusión dos novos graos anunciados hai uns meses: Enxeñería Biomédica en Vigo, Criminoloxía, Biotecnoloxía e Paisaxe na USC e Xestión de moda na UDC, todos con 50 prazas.


Unha ampliación que terá de seguro moi boa acollida no noso alumnado. Podedes consultar todas as novidades premendo aquí.

Moito ánimo a todos e todas os que tedes a ABAU á volta da esquina!

martes, 8 de mayo de 2018

ORIENTACIÓN ACADÉMICA ÁS FAMILIAS

Aínda que pareza incrible xa estamos cerca de mediados de maio... Notanse o cansanzo e certo estrés no alumnado... Que ve como se achega o fin do curso e que ten que tomar decisións de cara ao vindeiro ...

Dentro das actividades de orientación académica e profesional os alumnos e alumnas están tendo charlas informativas da orientadora nos distintos grupos. 

Co fin de completar esa información e ampliala ás familias, organizamos no IES unha charla de orientación a pais e nais o próximo luns, 14 de maio, ás 19 horas. Dirixida a familias do alumnado de 2°, 3° e 4° ESO por ser de grande importancia a colaboración na toma de decisións no momento no que se atopan.

Esperámosvos!

CLASES SEN FUME. ALGO SE ESTÁ A COCER...

O alumnado de 1°ESO do Floriani ten claro que facer para manter os seus hábitos saudables...


Proximamente....

CHARLA ADICCIÓN ÁS NOVAS TECNOLOXÍAS

Pois o bo tempo e a actualidade acompañáronnos o xoves pasado na charla impartida por María Novelle, pedagoga da Asociación Érguete-Vigo. 



Na biblioteca do centro acomodámonos para coñecer dun xeito ameno e directo cómo podemos detectar que algo non vai ben na interacción dos nosos fillos e fillas coas novas tecnoloxías. Vimos indicadores e fases que se dan nunha adicción, algúns consellos sinxelos que podemos aplicar e levamos un modelo de contrato para o bo uso destas no fogar.



Todo isto sen esquecer as ventaxas que nos aportan e as cales nos iremos adaptando seguramente co ritmo desta sociedade.

Grazas a todos e todas as asistentes e a María pola súa amable exposición!

lunes, 23 de abril de 2018

ADICCIÓN ÁS NOVAS TECNOLOXÍAS

Este xoves 26 de abril, ás 19h, esperámosvos na biblioteca do Floriani con esta interesante charla interactiva impartida pola educadora de Érguete Vigo.


Forma parte das actividades da Escola de pais e nais organizada neste curso polo departamento de orientación.

Deixamosvos tamén aquí un enlace á entrevista publicada hoxe na Voz de Galicia en relación con este tema tan de actualidade.

FELIZ DÍA DO LIBRO

23 de abril. Feliz día do libro!


domingo, 22 de abril de 2018

VISITA AO CAMPUS UNIVERSITARIO DE VIGO

O pasado venres 20 de abril, despois de ter sido anulada a nosa visita ao Cuvi por temporal no mes de marzo, acudimos co alumnado de 2° bacharelato ao campus universitario para coñecer de primeira man algúns graos, a zona e o ambiente deste.

Visitamos as áreas de ciencias sociais e humanidades, filoloxías, economía e dereito, e tecnolóxica, con minas, telecomunicacións e enxeñerías, divididos en dous grupos segundo intereses académicos.




Recibironnos nas distintas facultades con charlas específicas por parte de profesorado e algún alumnado destes graos universitarios.

Esta actividade forma parte do programa de orientación académico-profesional do Dpto. de orientación. Acudimos as profes Chus Leis e María Lorenzo e máis a orientadora.



Esperamos seguir realizandoa en vindeiros cursos e gustaríanos que fose unha visita máis práctica e con menos charlas teóricas.

lunes, 16 de abril de 2018

REUNIÓN DO EQUIPO DE MEDIACIÓN

Hoxe tivemos a reunión deste terceiro trimestre do equipo de mediación do IES (botamos de menos aos que non puideron vir).


Aproveitamos para quedar a comer e revisar, despois, como se desenvolveron as últimas actuacións, que cousas podemos mellorar e nos organizamos para dar información a alumnado interesado en formarse como mediadores/as.

O máis importante para o final: decidir a excursión que faremos neste curso :)

Grazas a todos/as!

jueves, 12 de abril de 2018

ESCOLA DE NAIS E PAIS. ADICCIÓN ÁS NOVAS TECNOLOXÍAS

A xornada do terceiro trimestre da Escola de nais e pais chega ao IES o próximo xoves 26 de abril, ás 19h.


Será a última deste curso e creemos que de gran interese pola súa temática. A organizamos con Érguete e será impartida pola psicóloga Noa Pereiro.

Esperámosvos!

CHARLA SAÚDE MENTAL-ASOCIACIÓN LENDA

O pasado martes 10 de abril tivemos no IES a psicóloga Maica Álvarez, da Asociación Lenda, e a Jaime Viqueira, usuario desta.



Ambos contaron ao alumnado de 2° Bacharelato da materia de Psicoloxía aspectos moi interesantes sobre a saúde mental, nunha exposición cargada de sentido do humor, que como comentaron, é imprescindible para poder seguir adiante coa vida diaria dun xeito máis saudable.


Coñecimos algúns dos estigmas que sofren as persoas con enfermidades mentais na nosa sociedade, cales son os tratamentos e terapias coas que podemos contar e como, por exemplo, se dan diferencias significativas por razóns de xénero no tratamento destas enfermidades.



Queremos agradecer a Maica e, moi especialmente, a Jaime a súa xenerosidade nesta colaboración con nós.

A asociacion Lenda de Redondela forma parte da federación de persoas con enfermidade mental, FEAFES, e conta cunha sede e un centro ocupacional nesta localidade.

Seguiremos en contacto!

lunes, 2 de abril de 2018

DÍA MUNDIAL DE CONCIENCIACIÓN DO AUTISMO

O 2 de abril conmemorase o día do autismo. Tódolos anos contamos con algunha campaña que pinta de azul esta xornada para que deamos visibilidade a un trastorno presente no día a día de moitas familias e centros educativos.

Deixamosvos aquí un enlace á páxina da federación galega de autismo onde nos explican esta campaña así como algunhas das barreiras coas que se atopan estas persoas na nosa sociedade.


martes, 13 de marzo de 2018

PROBAS DE ACCESO A CICLOS DE GRAO MEDIO

Dende onte, e ata o próximo venres 23 de marzo, está aberto o prazo de solicitudes para participar nas probas de acceso a ciclos formativos de grao medio.

Podedes consultar toda a información na paxina web de FP da Consellería de educación.

lunes, 12 de marzo de 2018

CLASES SEN FUME

O alumnado de 1º ESO participa este curso no programa Clases sen fume da Consellería de Sanidade. Este programa pretende concienciar sobre o dano para a saúde do consumo de tabaco e previr o inicio neste.


A participación do alumnado consiste na elaboración de dúas actividades que irán a concurso: nunha primeira fase a elaboración dun "slogan", que podedes ver a continuación, e unha segunda fase, de presentación dunha actividade dixital elaborada polos grupos. A profesora da materia "Promoción de estilos de vida saudable", Cristina, coordina estas actividades xunto coa orientadora e a colaboración das titoras.

Slogan elaborado por 1º ESO A

Slogan elaborado por 1º ESO B

Dentro do programa ademais, puidemos contar coa charla da doctora da Consellería de Sanidade, Victoria, que foi moi clara e instrutiva. 






Grazas por contarnos cousas tan interesantes e responder ás nosas dúbidas!

miércoles, 7 de marzo de 2018

CHARLA SOBRE ESTABLECEMENTO DE NORMAS E LÍMITES

A sesión da Escola de nais e pais deste segundo trimestre a trasladamos a esta charla organizada xunto co Concello de Redondela e a Asociacion Érguete, nunha colaboración cos centros educativos da contorna.

Será o vindeiro xoves 15 de marzo, ás 20h no Multiusos da Xunqueira. Esperamos que sexa do voso interese e poidades acudir.


lunes, 5 de marzo de 2018

TRABALLANDO POLA IGUALDADE...

No departamento...
No centro...



Na cafetería...
E na rúa


CHARLA-OBRADOIRO PRIMEIROS AUXILIOS

Esta mañá tivemos no Floriani unha charla impartida pola docente da Cruz Vermella de Pontevedra sobre técnicas básicas de primeiros auxilios.



Estivo dirixida ao alumnado do módulo de FOL das dúas familias de FP do IES así como ao alumnado de 4°ESO de ensinanzas aplicadas, da materia Iniciación á actividade empresarial, xa que ambos teñen contidos de Prevención de riscos laborais e os profes Marisa e Iván tiñan moito interese nesta formación complementaria.





Agradecer ao persoal da Cruz Vermella Pontevedra a súa dispoñibilidade e bo facer. Esperamos poder repetir esta interesante actividade con máis grupos.